Charter Document - 05020418
| Charter Number: | 05020418 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1243 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Guido dominus Caprosie notum facio universis presentes litteras inspecturis quod ego pratum quod Raginaldus Galopin contulit in perpetuam elemosinam domui Vallium Sarnaii et fratribus ibidem Deo famulantibus quod situm est in parrochia de Sanlices apud les Coardes in censiva mea pratis jamdicte domus Sarnaii contiguum ob remedium anime mee et patris mei et matris et antecessorum meorum eisdem concessi libere et pacifice in perpetuum possidendum salvo censu meo quem ipsi michi et successoribus meis tenebuntur persolvere sicut prefatus Raginaldus antea persolvebat annis singulis In cujus rei testimonium et munimen presentes litteras dictis fratribus tradidi sigilli mei munimine roboratas Actum anno Domini millesimo ducentesimo quadragesimo tertio mense aprili