Charter Document - 05020416
| Charter Number: | 05020416 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1242 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis ego Buchardus dominus Montismorenciaci notum facio quod cum bone memorie Buchardus quondam dominus Montismorenciaci avus meus dedisset pro salute anime sue in perpetuam elemosinam abbatie beate Marie de Vallibus Sarnaii et monachis ibidem Deo servientibus viginti solidos parisienses singulis annis percipiendos dominica prima post octabas beati Dyonisii ex censu suo qui dicto Buchardo avo meo et heredibus ejus apud Montemmorenciacum solvebatur ego dictus Buchardus dominus Montismorenciaci predictam elemosinam dicti Buchardi avi mei laudo volo et approbo et concedo ut dicti monachi predictos viginti solidos parisienses singulis annis percipiant apud Montemorenciacum in termino supradicto Quod ut ratum et firmum maneat in perpetuum ego Buchardus predictus dominus Montismorenciaci presentes litteras ob perpetuam confirmacionem sigilli mei munimine roboravi Actum anno Domini MCC quadragesimo secundo