Charter Document - 05020402
| Charter Number: | 05020402 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1241 |
| Date type: | Internal, A.D., Feast |
| Resource Link(s): |
|
Charter:
Ego Garinus de Bercheriisla Menguot notum facio omnibus presentes litteras inspecturis quod ego de voluntate et assensu Ysabel uxoris mee volo et concedo ut abbas et conventus Vallium Sarnaii teneant et in perpetuum pacifice possideant in manu mortua terram quandam sitam apud Bercherias juxta granchiam dictorum monachorum quam dedit eis defunctus Bernardus de Monasterio de feodo meo moventem sine coactione vendendi vel extra manum suam ponendi liberam et quitam de qua terra tenetur Margareta filia predicti Bernardi et ejus heredes reddere tensementum domino Gyrardo de Carnoto Volo eciam et concedo ut dicti abbas et conventus teneant et in perpetuum possideant in manu mortua quicquid acquisierunt in feodo meo usque in presentem diem sine coactione vendendi vel extra manum suam ponendi a me vel heredibus meis Quod si quis contra predicta venireausus fuerit ego et heredes mei contra omnes predicta eis tenemur garandire In cujus rei testimonium presentes litteras sigilli mei munimine roboravi Actum anno Domini MCCXL in festo sancte Agathe mense februario