Charter Document - 05020391
| Charter Number: | 05020391 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1239 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis soror E[remburgis] dicta abbatissa Portus Regalis et ejusdem loci conventus salutem in Domino Noverit universitas vestra quod nos commutavimus cum viris religiosis et dilectis nostris monachis Vallium Sarnaii quamdam vineam apud Rossiacum in censiva eorumdem monachorum sitam quam vineam dilectus Symon de Mauveriis miles nobis donaverat ob gratiam et amorem filie sue que in domo nostra habitum religionis assumpsit liberam et quietam in perpetuum possidendam pro quadraginta solidis parisiensibus annui census quos singulis annis apud Castrum Forte et apud Vetolium recipiebant videlicet apud Castrum Forte viginti solidos parisienses et aput Vetolium viginti solidos parisienses Et ut ista supradicta commutatio in perpetuum stabilis et firma perseveret hanc presentem paginam sigilli nostri appensione roboravimus Actum anno Domini millesimo ducentesimo tricesimo octavo mense februario