Charter Document - 05020390
| Charter Number: | 05020390 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Guarantee |
| Date: | 1239 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Sciant omnes presentes et futuri quod ego magister Garnerius filius Sellonis assensu et voluntate heredum meorum dedi et concessi in puram et perpetuam elemosinam pro salute anime mee et antecessorum meorum abbati et conventui Vallium Sarnaii unum modium vini albi annui redditus assignatum super vineam meam de Cailloel sitam inter vineam Thome Touquin ex una parte et vineam defuncti Baldrici Rufi ex altera reddendum deinceps dictis abbati et conventui singulis annis in tempore vindemiarum per manum meam vel per manum heredum meorum vel eorum qui dictam vineam possidebunt Hanc autem donationem ego dictus Garnerius et heredes mei dictis abbati et conventui contra omnes garantizare tenemur Quod ut firmius et fidelius teneatur in posterum presenti scripto et sigilli mei munimine roboravi Actum anno Domini MCCXXXVIII mense februario