Charter Document - 05020388
| Charter Number: | 05020388 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1238 |
| Date type: | Internal, A.D. |
| Resource Link(s): |
|
Charter:
Ego Guido dominus de Caprosia notum facio universis presentes litteras inspecturis quod Perrinus armiger de Valle recognovit se quitavisse monachis Vallium Sarnaii totum usuarium suum quod habebat in centum arpentis nemoris supra stagnum eorumdem monachorum que pie memorie G[uido] pater meus eisdem dederat in puram et perpetuam elemosinam et quicquid in eodem nemore aliquo jure vel aliqua ratione poterat reclamare pro viginti libris parisiensibus quas recognovitse recepisse in pecunia numerata Quam quittationem ego jamdictus Guido tanquam dominus ad cujus feodum supradictum usuarium pertinebat volui et laudavi et ad peticionem utriusque partis in testimonium et munimen has presentes litteras sigillo meo roboravi Actum anno Domini MCC tricesimo octavo mense decembri