Charter Document - 05020383
| Charter Number: | 05020383 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1238 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Sciant omnes presentes et futuri quod ego Albericus de Loree assensu et voluntate Adeline uxoris mee et heredum meorum vendidi et concessi abbati et conventui de Vallibus Sarnaii quinque solidos parisienses annui redditus quos Gillebertus filius Hermeri de Ailleio et Guillelmus Anglicus michi debebant de quadam pecia terre vineeque pariter quam eisdem tradidi que est de feodo dictorum abbatis et conventus sita in territorio de Hosliens inter vineam Guillelmi de Ailleio ex una parte et vineam Matillis de Loree ex altera dictis abbati et conventui singulis annis in festo Omnium Sanctorum ab eisdem Gilleberto et Guillelmo et ab ipsorum heredibus persolvendos videlicet ab eodem Gilleberto vel ab ejus heredibus tres solidos et ab eodem Guillelmo vel ab ejus heredibus duos solidos pro viginti quinque solidis parisiensibus [] Et ut hoc firmius et fidelius teneatur in posterum ego dictus Albericus presenti scripto et sigillo meo confirmavi Actum anno Domini MCCXXX octavo mense junio