Charter Document - 05020376
| Charter Number: | 05020376 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1237 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis officialis curie Parisiensis salutem in Domino Notum facimus quod Guillelmus Maace de Cabrosia recognovit quod cum ipse de voluntate et assensu Margarite uxoris sue vendidisset magistro Bartholomeo de Cabrosia ad opus ecclesie Vallium Sarnaii totam decimam totius terre sue de Ermenon idem Guillelmus recepit a dicto magistro Bartholomeo eamdem decimam ad ad modiationem pro dimidio modio bladi medietate mixtolii et medietate avene singulis annis quamdiu idem magister vixerit eidem a dicto Guillelmo uxore sua vel heredibus suis infra festum sancti Remigii libere et quiete persolvendo Margarita vero uxor prefati Guillelmi dictam ad modiationem dicte decime secundum quod facta est et prenominata voluit laudavit et concessit et ad eam sic tenendam fide prestita corporali in manu magistri Galteri de Cabrosia presbiteri sui parrochialis ad hoc specialiter destinati sicut coram nobis idem Galterus presbiter recognovit spontanea voluntate se obligavit In cujus rei testimonium presentes litteras sigillo curie Parisiensis fecimus roborari Actum anno Domini millesimo ducentesimo tricesimo septimo mense maio