Charter Document - 05020356
| Charter Number: | 05020356 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1235 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Robertus officialis curie Carnotensis salutem in Domino Noveritis quod cum Guillelmus de Subvineis dedisset in perpetuam elemosinam monachis Vallium Sernaii totam decimam suam quam ipse Guillelmus habebat apud Bercheriasle Meingot in feodo suo excepto uno sextario bladi ibernagii quod idem Guillelmus dedit et concessit presbiteratui ecclesie beati Remigii de predictis Bercheriis post obitum suum in granchia dictorum monachorum sita apud easdem Bercherias percipiendum singulis annis ad mensuram carnotensem prout in litteris bone memorie Galteri quondam episcopi Carnotensis vidimus contineri et Gilotus Pilatre et Hodeardis ejus uxor ad quam ex successione dicti Guillelmi patris sui terra in qua percipiebatur dicta decima devenerat ut dicebant tres sextarios ejusdem terre dictis monachis vendidissent ipsi Gilotus et ejus uxor promiserunt quod dictum sextarium bladi annuatim dicto presbiteratui ecclesie beati Remigii redderent et dictos monachos a solutione ejusdem sextarii bladi annis singulis liberarent residuumque dicte terre sibi remanens voluerunt et concesserunt dicto sextario bladi reddendo annuatim dicto presbiteratui honerari In cujus rei testimonium presentes litteras ad petitionem dictorum Giloti et Hodeardis sigilli curie Carnotensis munimine fecimus roborari Actum anno Domini millesimo ducentesimo tricesimo quarto mense februario