Charter Document - 05020355
| Charter Number: | 05020355 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1235 |
| Date type: | Internal, A.D. |
| Resource Link(s): |
|
Charter:
Ego Guillelmus Beroard miles et Isabella karissima uxor mea notum facimus universis presentes litteras inspecturis quod Gilotus Pilatre et Hodeardis ejus uxor recognoverunt se vendidisse monachis Vallium Sernaii pro triginta et quatuor libris carnotensibus quamdam terram quam ipsi Gilotus et ejus uxor habebant sitam in territorio Bercheriarum Meingoti in feodo nostro tres sextarios seminis capientem ab omni consuetudine liberam et quittam in pace et quiete possidendam et jure perpetuo tenendam que terra ad ipsam Hodeardim devenerat ex successione defuncti Guillelmi de Subvineis patris ejusdem Hodeardis Hanc autem venditionem ego Guillelmus Beroard et predicta uxor mea tanquam domini feodi de voluntate et assensu liberorum nostrorum laudamus concedimus et aprobamus volentes quod predicti monachi hanc terram venditam im perpetuum possideant libere et quiete [] In cujus rei testimonium presentes litteras ego Guillelmus miles ad requisitionem [dictorum Giloti et Hodeardis] mei sigilli munimine roboravi Actum anno Domini millesimo ducentesimo tricesimo quarto mense februario