Charter Document - 05020341
| Charter Number: | 05020341 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1233 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Noverint universi presentes et futuri quod ego Aelicia de Porta de assensu et voluntate omnium heredum meorum dedi et concessi et hac presenti carta mea confirmavi in puram et perpetuam elemosinam ob remedium anime mee et antecessorum meorum monachis ecclesie beate Marie de Sarnayo ibidem Deo servientibus omne jus et omne dominium quod habebam super masuram Hugonis Tueveel sitam inter masuram Hugonis Goneie ex una parte et masuram Houdoini ex altera dictis monachis ecclesie predicte tenendum et jure hereditario possidendum Hanc autem donacionem ego dicta Aelicia de me et heredibus meis dictis monachis teneor garantizare Et ut hec donacio robur obtineat in perpetuum presentem cartam sigilli mei munimine roboravi Testibus hiis Nicholao decano Vernonensi Johanne de Inferno presbiteris Petro de Roncia Ricardo Porchaz militibus Symone Piquet preposito Vernonensi et pluribus aliis Actum anno gratie MCC tricesimo tercio mense novembri