Charter Document - 05020332
| Charter Number: | 05020332 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Guido de Levies miles notum fieri volo universis quod ego per Dei gratiam in bono statu corporis manens et bonum sensum habens pro salute anime mee et amicorum meorum in eleemosynam dedi de mobilibus meis a me acquisitis quatuor millia librarum parisiensium ad faciendam abbatiam de Roscha et congregandum ibi conventum et tradidi dictam pecuniam viris venerabilibus et amicis meis abbati Vallium Sarnaii et domino Amalrico comiti Montisfortis et Alexandro de Vordis militi consanguineo meo expendendam per manus et consilium ipsorum in edificatione dicte abbatie in provisione conventus et in emendis reditibus seu possessionibus ad opus et utilitatem et incrementum dicte abbatie et dicti conventus In cujus rei testimonium presentes litteras sigilli mei munimine roboravi Actum anno Domini MCCXXXII