Charter Document - 05020321
| Charter Number: | 05020321 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1232 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Odo Dei gratia Beati Dyonisii abbas et ejusdem loci conventus omnibus presentes litteras inspecturis salatem in Domino Universitati vestre notum facimus quod nos monachis de Sarnaio septem arpennos et tria quarteria pratorum in valle de Domna Petra sitorum et centum arpennos nemoris quos defunctus Guido dominus Caprosie in elemosinam eis contulerat de quarta parte sua nemoris Beati Dyonisii quam tenebat a nobis in perpetuum concessimus possidendos ita quod inde nobis annuatim persolvent triginta solidos parisienses censuales in festo sancti Andree apostoli salva nobis quantum ad seculares ibidem justicia Et in istis triginta solidis censualibus computabitur ille census quem nobis ante solvebant secundum tenorem carte quam eisdem monachis bone memorie venerabilis abbas Guillelmus jamdudum concesserat et a trossis que debebantur de pratis liberi remanebunt Et quando abbas Beati Dyonisii ad partes illas accedet faciet piscari in stagnis eorumdem que sunt juxta nemus Beati Dyonisii Quod si de dictis centum arpennis nemoris aliquos voluerint extirpare de singulis arpennis quos coluerint annis singulis nobis reddent duos denarios censuales ad dictum festum sancti Andree preter predictum censum triginta solidorum Quod ut ratum sit paginam hanc sigillis nostris munivimus Actum anno Domini millesimo CC tricesimo primo mense februario astantibus in capitulo nostro domino Odone abbate Symone magistro priore Sevino subpriore Drogone tercio priore Noe quarto priore Girardo quinto priore Guiberto cantore Ricardo thesaurario Theobaldo infirmario Philippo cenatore Henrico celerario Roberto hospiciario Johanne coquinario Johanne capicerio Galfrido archario Petro subinfirmario Herberto subcoquinario et cetero toto capitulo