Charter Document - 05020318
| Charter Number: | 05020318 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Pledge |
| Date: | 1231 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis G[alterius] divina permissione ecclesie Carnotensis minister humilis salutem in Domino Noveritis quod constituti in nostra presencia Robertus de Cropellis clericus et Gervasius frater ejus impignoraverunt assensu et volumptate Willelmi fratris eorum monachis Vallium Sarnaii fide prestita corporali pro sexaginta libris parisiensibus totam decimam suam de Glahervilla in blado et vino quocienscumque voluerint redimendam Quam impignorationem Bartholomeus de Broovilla et Sybilla uxor ejus de quorum feodo movet dicta decima voluerunt et concesserunt et eandem dictis monachis se garantizaturos fide prestita corporali promiserunt Sciendum siquidem quod Robertus de Cropellis tanquam dominus feodi voluit et laudavit impignorationem quam fecit Gervasius frater suus assensu et volumptate Willelmi fratris sui et eandem dictis monachis fide media garantire compromisit Quod ut ratum et firmum sit presentes litteras ad petitionem parcium sigillo nostro fecimus roborari Actum anno Domini MCC tricesimo primo