Charter Document - 05020311
| Charter Number: | 05020311 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1231 |
| Date type: | Internal, A.D. |
| Resource Link(s): |
|
Charter:
Ego Guido dominus Caprosie notum facio universis presentes litteras inspecturis quod Geubertus prepositus de Maincort et Odelina uxor ejus in presentia mea constituti fide prestita corporali quittaverunt monachis Vallium Sarnaii usuarium suum et quicquid juris habebant in centum arpentis nemoris quod pie memorie Guido pater meus donaverat monachis supradictis stagno eorum contiguis pro quadraginta solidis parisiensibus quos a dictis monachis numeratos acceperunt Petrus siquidem filius eorum primogenitus Johannes et Natalis Arnulphus et Jaquelina nichilominus eorum liberi hanc quittationem gratam habentes et ratam similiter fide prestita corporali firmiter et fideliter tenendam concesserunt Hanc autem quittationem ego jam dictus Guido et heredes mei domini Caprosie contra omnes tenemur garandire In cujus rei memoriam et munimen hanc presentem paginam fieri volui et sigilli mei impressione communiri Actum anno Domini MCC tricesimo primo mense junio