Charter Document - 05020306
| Charter Number: | 05020306 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1229 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Henricus de Vaus miles notum facio universis presentes litteras inspecturis quod Guiardus de Vaus dedit monachis Sarnaii in perpetuam elemosinam quandam peciam prati subtus villam de Champranton sitam contiguam prato eorumdem monachorum quam donationem Robertus Johannes Petrus et Mathildis voluerunt et expresse concesserunt et quod in predicta elemosina nichil de cetero reclamarent fidem dederunt corporalem Dictus etiam Guiardus obligavit fide media quod si aliquis heredum suorum dictos monachos super dicta donatione molestaret ipse tenetur garantizare eandem donationem et expensas omnes et damna et gravamina que super hoc monachi sustinerent de suo emendare Ego insuper Henricus predictus sepedictam elemosinam volui et concessi et eam sicut dominus feodi contra omnes homines teneor garantizare ut monachi Vallium Sarnaii eandem elemosinam in perpetuum possideant liberam ab omni servitio atque quietam Mathildis etiam uxor mea hec omnia voluit et concessit et promisit quod in eadem elemosina nichil de cetero per se vel per alium reclamabit In quorum omnium testimonium et munimen presentes litteras sigillo meo roboravi Actum anno Domini millesimo ducentesimo vicesimo nono