Charter Document - 05020304
| Charter Number: | 05020304 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1229 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Robertus officialis curie Carnotensis salutem in Domino Noveritis quod Gilo presbiter sancti Andree Carnotensis in nostra presentia constitutus vendidit ad usus et consuetudines patrie monachis Vallium Sarnaii Cisterciensis ordinis quandam peciam terre quam habebat sitam in territorio de Joyaco in feodo ejusdem Gilonis circiter novem sextaria seminis continentem que terra vocatur Campus Sancti Michaelis pro precio quadraginta librarum parisiensium et decem librarum carnotensium de qua summa peccunie recognovit coram nobis sibi fuisse plenarie satisfactum fide media promittens quod in dicta terra vendita nichil de cetero per se vel per alium reclamaret vel reclamari procuraret immo dictam terram venditam dictis monachis et eorum successoribus ad usus et consuetudines patrie garandizaret contra omnes In cujus rei testimonium ad petitionem prefati Gilonis presentes litteras dictis monachis dedimus sigilli curie Carnotensis munimine roboratas Actum anno Domini MCCXX nono mense novembri