Charter Document - 05020302
| Charter Number: | 05020302 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1229 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis ad quos presentes littere pervenerint Stephanus Parisiensis archidiaconus salutem in Domino Notum facimus quod in nostra presencia constitutus Hugo de Vervilla armiger recognovit quod medietas cujusdam vinee site in territorio de Vilers juxta Bruerias quam vineam defunctus Renardus de Sarmese dedit et concessit in puram et perpetuam elemosinam monachis Albis abbacie de Vallibus de Sarneio est de feodo suo et quod dicti monachi debent ei unum denarium censualem tantum ad festum sancti Remigii annuatim pro medietate predicte medietatis quam de ipso tenent videlicet pro quarta parte tocius vinee supradicte Recognovit etiam coram nobis quod Symon de Sarneio miles tenet aliam quartam partem vinee supradicte ab ipso in feodo Voluit autem et concessit prenominatus Hugo coram nobis quod supradicti monachi Albi teneant et possideant libere et pacifice in perpetuum per censum prenominatum vineam supradictam et in manu nostra fidem prestitit corporalem quod per se vel per alium contra predictam quitationem de cetero non veniret In cujus rei testimonium ad petitionem predicti Hugonis et dictorum monachorum presentes litteras sigilli nostri munimine fecimus roborari Actum anno Domini MCC vicesimo nono mense septembris