Charter Document - 05020301
| Charter Number: | 05020301 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1229 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Johannes de Roboreto miles notum facio universis presentes litteras inspecturis quod donationem quam fecerunt monachis Vallium Sarnaii Radulfus Ronel de Offergiis Gebertus de Forgiis et uxor ejus de duobus solidis annui redditus quos ab ipsis monachis annuatim percipiebant pro duabus partibus cujusdam prati juxta stagnum eorumdem monachorum siti volui et concessi ut monachi supradicti pacifice possideant in perpetuum duas partes predicti prati salvo jure meo videlicet uno denario censuali reddendo mihi et heredibus meis annis singulis in festo sancti Remigii Quod ut ratum in perpetuum et stabile perseveret ad petitionem utriusque partis feci presentes litteras sigilli mei munimine roborari Actum anno gratie MCCXXIX mense augusto