Charter Document - 05020299
| Charter Number: | 05020299 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1229 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Odo de Mesiaco miles cognomento Senescallus notum facio universis presentes litteras inspecturis quod cum ab abbate et conventu Vallium Sarnaii traherer in causam super questione trium modiorum vini quos singulis annis recipere debebant in prelo meo de Mellento villa tandem de voluntate et assensu Aalicie uxoris mee et Guillelmi filii mei primogeniti necnon et aliorum liberorum meorum terminata est causa et sopita in hunc modum videlicet quod ego et heredes mei tenemur reddere dictis monachis pro tribus modiis memoratis vini in censu meo de Mellento villa quinque solidos parisienses in festo sancti Nigasii singulis annis persolvendos Et super hoc ego Odo et Aaliz uxor mea et Guillelmus filius noster fidem dedimus corporalem Si vero aliquando contingeret quod heredes mei dictis monachis ad diem memoratum quinque solidos supradictos omnino reddere non vellent tunc dicti monachi ad tres modios vini in prelo meo de Mellento villa recurrerent et eos libere rehaberent et pacifice possiderent Quod si pro jam dictis quinque solidis habendis aliquos sumptus facerent monachi vel dampna sustinerent sumptus eorum et dampna teneremur eisdem bona fide resarcire Quod ut ratum et firmum in perpetuum perseveret ego jamdictus Odo presentes litteras sigilli mei munimine roboravi Actum anno Domini MCCXX nono mense julio