Charter Document - 05020295
| Charter Number: | 05020295 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1229 |
| Date type: | Internal, A.D. |
| Resource Link(s): |
|
Charter:
G[alterius] divina permissione Carnotensis ecclesie minister humilis universis presentes litteras inspecturis salutem in Domino Noverit universitas vestra quod constitutus in presentia nostra Nicholaus de Altovillari recognovit quod Matheus frater suus legavit monachis Vallium Sarnaii dimidium modium bladi percipiendum annis singulis apud Vachereces recognovit etiam quod Robertus frater suus major natu legatum istud voluit et concessit et ipse etiam Nicholaus hoc ipsum voluit coram nobis et concessit Nicholaus etiam presbiter de Hanches cujus parrochianus erat dictus Matheus testificatus est coram nobis quod idem Matheus sepedictum legatum fecit in presentia sua prefatis monachis et quod duo fratres sui predicti idem legatum in presentia sua voluerunt et concesserunt In cujus rei munimen et perpetuam firmitatem has presentes litteras sigilli nostri munimine roboravimus Actum anno Domini MCCXXIX mense aprilis