Charter Document - 05020288
| Charter Number: | 05020288 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Guarantee |
| Date: | 1228 |
| Date type: | Internal, A.D. |
| Resource Link(s): |
|
Charter:
Ego Philippus de Tourota miles notum facio presentibus et futuris quod cum contentio verteretur inter abbatem et monachos Vallium Sarnaii ex una parte et homines de Breteschia videlicet Bartholomeum Symonem Petrum Rogerum ex alia super terra quam dedit eisdem monachis defunctus Theobaldus Vallium Sarnaii quondam conversus et super terra de Exscambio tandem predicti Bartholomeus Symon Petrus Rogerus omnes predictas terras dictis monachis quitaverunt quiete et libere in perpetuum possidendas fide prestita corporali quod ipsi et heredes ipsorum super predictis terris de cetero nichil penitus reclamabunt Horum omnium plegius et garanditor sum ego Philippus de Tourota miles contra omnes homines ad meum feodum pertinentes In cujus rei perpetuam firmitatem presentes litteras sigilli mei munimine roboravi Actum anno gratie MCCXXVIII mense septembre