Charter Document - 05020266
| Charter Number: | 05020266 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1226 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Nos Buchardus et Matheus de Malliaco fratres notum fieri volumus universis quod monachi Vallium Sarnaii habent tredecim libras parisienses in redditu nostro de Mellento singulis annis percipiendos videlicet centum solidos de dono bone memorie patris nostri domini Mathei de Monte Morenciacho domini quondam Malliaci quod nos concessisse confitemur et presente etiam scripto confirmasse Item ego Buchardus dominus Malliaci dedi eisdem monachis de voluntate et assensu Mathildis uxoris mee Petri et Bucardi filiorum meorum ad petitionem et amorem Theobaldi filii mei primogeniti qui in abbatia Vallium Sarnaii Cisterciensis religionis habitum assumpserat centum solidos parisienses percipiendos in eodem redditu de Mellento singulis annis Item ego Matheus de Malliaco dedi predictis monachis Vallium Sarnaii in puram et perpetuam elemosinam pro salute anime mee patris et matris fratrum et progenitorum meorum sexaginta solidos parisienses super quintum meum percipiendos singulis annis in eodem redditu de Mellento concedente hoc et confirmante predicto Bucardo domino et fratre meo de quo eundem redditum teneo Ordinamus atque constituimus nos predicti Bucardus et Matheus de voluntate et assensu predictorum monachorum quod predicte tredecim libre parisienses percipiantur annis singulis terminis istis videlicet prima die martii sexaginta quinque solidi prima die junii sexaginta quinque solidi prima die septembris sexaginta quinque solidi prima die decembris sexaginta quinque solidi Ut autem hec omnia rata et stabilia in perpetuum permaneant presentes litteras sigillorum nostrorum munimine confirmavimus Actum anno Domini millesimo ducentesimo vigesimo sexto mense maio