Charter Document - 05020265
| Charter Number: | 05020265 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1226 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Noverint universi quod ego Bucardus dominus Marliaci de assensu et voluntate Matildis uxoris mee Petri et Bucardi filiorum meorum pro salute mea et predictorum M[atildis] uxoris mee P[etri] et B[ucardi] et aliorum filiorum meorum nec non et progenitorum et maxime pro salute et amore Theobaldi filii mei primogeniti qui Dei gratia inspirante in abbatia Vallium Sarnaii habitum religionis Cisterciensis susceperat donavi in perpetuam elemosinam eidem abbatie centum solidos parisienses percipiendos annis singulis in redditu meo de Mellento videlicet quinquaginta solidos prima die martii et quinquaginta prima die junii quem redditum excambivit michi Matheus frater meus pro decem libris quas ego habebam in feodo quem dedit comes Mellenti bone memorie domino Matheo patri nostro Et ut hoc ratum et stabile habeatur in perpetuum presentes litteras sigilli mei munimine roboravi Actum anno Domini millesimo ducentesimo vigesimo sexto mense maio