Charter Document - 05020263
| Charter Number: | 05020263 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1226 |
| Date type: | Internal, A.D. |
| Resource Link(s): |
|
Charter:
Omnibus presentem paginam inspecturis Jollanus dominus de Lives salutem in Domino Notum facio quod cum contencio esset inter monacos de Sarneto ex una parte et dominum Galterum militem de Brueriis ex altera super annuo censu sex denariorum quos predictus Galterus asserebat se habere in domo que fuit defuncti Radulphi Gaubert quam emit Petrus Brione et super viaria ejusdem domus talis inter eos in presencia mea intercessit transactio de assensu Thome filii mei et Marguarite de Brueriis domine mee quod prefatus Galterus et Helois uxor ejus predictum censum sex denariorum et dictam viariam predictis monachis in perpetuum concesserunt et quitaverunt et predicti monachi prefato Galtero triginta solidos parisiensium persolverunt et ad peticionem utriusque partis sigillum meum apposui Actum anno Domini MCC vicesimo sexto exeunte aprili