Charter Document - 05020260
| Charter Number: | 05020260 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1225 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
G[alterius] divina permissione Carnotensis ecclesie minister humilis universis presentes litteras inspecturis salutem in Domino Noverit universitas vestra quod Willelmus de Sub Vineis laicus in nostra presentia constitutus concessit et donavit in perpetuam elemosinam totam decimam suam quam habebat apud Bercherias La Mengot in feodo suo monachis Vallium Sarnaii excepto uno sextario bladi ibernagii quem dedit et concessit presbiteratui ecclesie Beati Remigii de predictis Bercheriis post obitum suum in granchia dictorum monachorum que est sita apud dictas Bercherias percipiendum ad mensuram carnotensem in singulis annis et de eadem decima idem Willelmus in manu nostra devestivit se et desessivit et nos ad petitionem ipsius Willelmi eandem donationem ab ipso dictis ecclesiis factam ratam habemus approbamus et confirmamus et de eadem decima ecclesias prefatas sessivimus et investivimus In cujus rei testimonium et cautelam presentes litteras fieri fecimus et sigilli nostri munimine roborari Actum anno gratie MCCXX quinto mense augusto