Charter Document - 05020249
| Charter Number: | 05020249 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1224 |
| Date type: | Internal, Calendar, Papal |
| Resource Link(s): |
Cartulaires d'Île-de-France |
Charter:
Honorius episcopus servus servorum Dei dilectis filiis [] abbati Cisterciensi et universis coabbatibus ejus et fratribus sub eodem ordine Deo servientibus salutem et apostolicam benedictionem Constituti juxta verbum prophete licet insufficientibus meritis super gentes et regna officii nostri debitum decenter exequimur cum evellimus evellenda et plantanda plantamus recta regimus et dirigimus indirecta significastis siquidem nobis quod in quibusdam partibus consuetudo detestabilis inolevit videlicet quod cum aliqui emulantes charismata meliora monasteria vestri ordinis volunt causa religionis intrare ut ibi Domino famulentur capellani eorum donec ab ipsis pecuniam que mortuarium nuncupatur extorqueant prout a parrochianis suis decedentibus consueverunt accipere illis temere se opponunt Volentes igitur abusum corruptele hujusmodi abholeri auctoritate vobis presentium indulgemus ut capellanorum contradictione hujusmodi nonobstante liberas personas ad vos seculo fugientes libere recipere valeatis Nulli ergo [] Datum Laterani IIII nonas julii pontificatus nostri anno octavo