Charter Document - 05020246
| Charter Number: | 05020246 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1224 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Robertus de Cuneo Muri curie Carnotensis officialis salutem in Domino Noverit universitas vestra quod Novelonus Patoin de Mesnelio miles et Millesandis ejus uxor in nostra constituti presentia quandam decimam sitam aput Sanctum Syphorianum et quandam domum sitam aput Sanctum Syphorianum in censiva prioris et monachorum de Alneolo que defuncta Leticia in extrema egritudine sua pro remedio anime sue in elemosinam contulerat viris religiosis abbati et conventui de Vallibus Sarnaii bona fide concesserunt et donationem jam dictarum decime et domus predictis abbati et conventui ab ipsa Leticia factam approbaverunt et fide sepe dicti Novelonus et Millesandis ejus uxor in manu nostra corporaliter prestita promiserunt quod jam dictam donationem dictarum decime et domus prefatis abbati et conventui de Vallibus Sarnaii a predicta Leticia factam garantizarent et quod predicti Novelonus et Millesandis ejus uxor in prefatis decima et domo nichil de cetero reclamarent et quod jam dictos abbatem et conventum de Vallibus Sarnaii super jam dictis decima et domo ipsi Novelonus et Millesandis ejus uxor de cetero nullatenus molestarent Preterea Willelmus de Scrinoliis miles de cujus feodo dicta decima movere dignoscitur prefatis abbati et conventui eandem decimam ad usus et consuetudines patrie garandire manucepit In cujus rei testimonium presentes litteras conscribi fecimus sigilli curie Carnotensis munimine roboratas Actum anno gratie millesimo ducentesimo vicesimo quarto mense maii