Charter Document - 05020244
| Charter Number: | 05020244 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1224 |
| Date type: | Internal, A.D., Feast |
| Resource Link(s): |
|
Charter:
G[alterius] Dei gratia Senonensis archiepiscopus dilecto in Christo fideli suo Ansello de Auvers militi salutem et dilectionem Sciatis quod non recolimus nos vobis inhibuisse ne monachis Vallium Sarnaii redditum suum bladi quem habent singulis annis in granchia vestra Sancti Cirici redderetis ideoque vobis mandamus quatinus occasione inhibitionis quam dicitis vobis a nobis facte non differatis amodo reddere dictis monachis redditum suum sicuti huc usque eundem redditum pacifice receperunt Datum sabbati post Conversionem sancti Pauli anno Domini millesimo ducentesimo vicesimo tercio mense januario