Charter Document - 05020243
| Charter Number: | 05020243 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1223 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
M[ichael] beati Marcelli Parisiensis decanus universis presentes litteras inspecturis salutem in Domino Notum facimus quod nos et qui nobiscum executores testamenti Raginaldi quondam decani beati Marcelli Parisiensis fuerant constituti vendidimus Henrico de Vanvis concanonico nostro quasdam cameras apud Termas juxta granchiam monachorum de Vallibus Sarneii Parisius sitas quas idem R[aginaldus] quando decessit adhuc possidebat Set postea comperto et sufficienter probato quod dictus R[aginaldus] cameras illas post ipsius decessum prefatis monachis habendas concesserat venditionem illam pro nichilo reputantes utpote gairantire non valentes de precio pro illis dato eidem Henrico satisfecimus Actum anno ab incarnatione Domini millesimo ducentesimo XX tercio amen