Charter Document - 05020226
| Charter Number: | 05020226 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1221 |
| Date type: | Internal, A.D., Calendar |
| Resource Link(s): |
Cartulaires d'Île-de-France |
Charter:
Universis presentes litteras inspecturis frater T[homas] Vallium Sarnaii dictus abbas et ejusdem loci conventus salutem in Domino sempiternam Universitati vestre notum fieri volumus quod nos tradidimus Willelmo de Fors unam acram apud Tilliacum in territorio Vilcassino pro quatuor solidis parisiensibus censualibus et quatuor denariis annuatim apud Vernonem in festo sancti Remigii persolvendis sibi et heredibus suis jure hereditario tenendam et habendam et in perpetuum possidendam Et sciendum quod idem Willelmus ab omnibus tailliis et exactionibus erga omnes homines quamdiu vixerit nos quitare debebit ad hoc idem tenebuntur heredes sui sibi jure hereditario succedentes Quod ut ratum et firmum in perpetuum perseveret presentes fecimus lilteras scribi et sigilli nostri munimine roborari Actum anno gratie millesimo ducentesimo vicesimo kalendas martii