Charter Document - 05020222
| Charter Number: | 05020222 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Ammortisement |
| Date: | 1220 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Symon castellanus de Nielfa universis presentem paginam inspecturis salutem Notum vobis fieri volumus quod Henricus Papias de assensu Ysabelis uxoris sue et Willelmi filii sui et aliorum heredum suorum concessit coram nobis monachis Vallium Sarnaii tenere in perpetuum libere et quiete totam terram quam tenent in territorio de Plesiz que est de feodo ejus ita quod dicti monachi reddent dicto Henrico et heredibus ejus annis singulis in festo sancti Remigii pro eadem terra sex denarios parisienses Et ego dictus Symon et heredes mei tenemur eamdem terram dictis monachis garantire Quod ut ratum et stabile in perpetuum habeatur sigilli mei duxi munimine roborandum Actum anno Domini MCCXX mense julio