Charter Document - 05020215
| Charter Number: | 05020215 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1219 |
| Date type: | Internal, A.D. |
| Resource Link(s): |
|
Charter:
Henricus Carnotensis archidiaconus omnibus presentes litteras inspecturis in Domino salutem Noverit universitas vestra quod cum verteretur contentio coram nobis inter monachos Vallium de Sarneio ex una parte et Gilam relictam defuncti Hervei de Balliolo ex altera super decima quadam quam dicti monachi defunctam Letitiam de Sancto Sinphoriano sibi legasse asserebant productis testibus dictis eorum in scripto redactis et publicatis celebratis omnibus que in jure debent celebrari predictam querelam memoratis monachis adjudicavimus de bonorum virorum consilio dictam Gilam ad solutionem dicte decime condempnantes In cujus rei memoriam et munimen litteras presentes notari fecimus et sigillo nostro roborari Actum anno gratie millesimo CCXVIII mense februario