Charter Document - 05020206
| Charter Number: | 05020206 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1217 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presens scriptum inspecturis Odo et Symon domini Sarnaii milites in Domino salutem Notum sit omnibus quod querela que vertebatur inter nos et monachos Vallium pro impedimento aqueductus molendinini nostri causa cujusdam fossati eorum quod dividit terras nostras et prata eorum sic pacificata est quod ipsi unum canale ligneum competens super predictum aqueductum semel apposuerunt si autem postea predicti occasione fossati dampnum nobis evenerit nec tenebuntur emendare vel aliud canale apponere set quieti in perpetuum remanebunt Quod ut ratum et inviolabile permaneat ego Odo de assensu et voluntate Symonis qui sigillum tunc temporis non habebat et de me feodum tenebat presens scriptum sigilli mei munimine roboravi Actum anno gratie MCC septimo decimo