Charter Document - 05020203
| Charter Number: | 05020203 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1216 |
| Date type: | Internal, A.D. |
| Resource Link(s): |
|
Charter:
Ego Buchardus dominus Marliaci notum facio universis presens scriptum inspecturis quod Hernaudus de Nemore miles de voluntate Theophanie uxoris sue et assensu liberorum suorum et fratrum suorum Gaufridi clerici et Guarini militis elemosinavit et vendidit monachis Vallium Sarnaii totam decimam quam habebat in terra quam emit ab Alexandro de Longa Quercu et Ysabel uxore ejus que erat de feodo Matildis matris mee domine Marliaci quod tenebat nomine dotis Quod feodum si post decessum ejusdem matris mee jure hereditario ad me devenerit vel ad heredes meos ego Buchardus de assensu Matildis uxoris mee et liberorum meorum ad petitionem predicti Hernaudi prescriptam elemosinatam venditionem laudo et concedo et sigilli mei impressione confirmo Actum anno gratie MCCXVI