Charter Document - 05020186
| Charter Number: | 05020186 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 |
| Date type: | Internal, A.D. |
| Resource Link(s): |
|
Charter:
Ego Symon de Pissiaco et ego Johannes Briart omnibus presens scriptum inspecturis salutem Noverint universi quod Raginaldus de Viceors clericus canonicus Parisiensis dedit Deo et ecclesie beate Marie de Vallibus Sarnaii et fratribus ibidem Deo servientibus in elemosinam unam granchiam cum tota porprisia juxta palatium Termarum in nostra censiva sitam Ego autem Symon et Agnes uxor mea et ego Johannes et Amitia uxor mea predictis fratribus elemosinam istam pro remedio animarum nostrarum et antecessorum nostrorum benigne concessimus liberam et quietam ab omni exactione in perpetuum possidendam tali condicione quod jam dicti fratres reddent nobis annuatim in festo sancti Remigii quinque solidos parisienses censuales Et ut ratum et firmum sit sygillorum nostrorum munimine confirmamus Actum anno Verbi incarnati millesimo ducentesimo quartodecimo