Charter Document - 05020174
| Charter Number: | 05020174 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1211 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis ad quos presens pagina pervenerit Capitulum Vernonense salutem et pacem Noverit universitas vestra quod Margarita uxor Henrici de Molendino cum ipso H[enrico] in nostra presencia constituta domum quam locaverant ei monachi Vallium Sarnaii quo ipsa viveret predictis monachis reddidit libere et quiete ab ipsis in perpetuum tamquam suam possidendam pro duodecim libris quas ab ipsis monachis recepit Resignavit quoque ipsa Margarita predictis monachis litteras sigillatas quas habebat a monachis super locatione predicte domus assistente et assensum prebente viro suo predicto H[enrico] Juravit uterque et H[enricus] et M[argarita] sacramento corporaliter prestito quod nec ipse nec ipsa in predicta domo de cetero aliquid reclamaret nec in aliquo monachos vexaret Quod ut ratum permaneat sigillo nostro munivimus presens scriptum Actum anno gratie MCCXI