Charter Document - 05020158
| Charter Number: | 05020158 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1208 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Willermus dominus Firmitatis universis presentem paginam inspecturis notum esse volo quod assensu et voluntate uxoris mee Constancie dedi in perpetuam elemosinam domui de Vallibus Sarnaii pro remedio animarum nostrarum terram illam quam habebam aput Sanctum Nunnum quam fratres domus predicte antea colebant liberam et ab omni exactione quietam Hanc autem elemosinam benigne concesserunt Symon gener meus et Aaliz filia mea uxor predicti Symonis Igitur ne in posterum aliqua perturbatio vel dilatio domui predicte inde proveniat ego sigilli mei impressione roboravi Anno gratie MCCVIII