Charter Document - 05020142
| Charter Number: | 05020142 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1207 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Odo Dei gratia Parisiensis episcopus omnibus ad quos presens scriptum pervenerit salutem in Domino Notum facimus quod constitutus in nostra presencia Guido dominus Cabrosie miles de consensu Aveline uxoris sue dedit pro remedio anime sue Deo et ecclesie beate Marie Vallium in perpetuam elemosinam tertiam partem magnedecime totius territorii parrochie Sarnaii et eciam totam magnam decimam de Barra sicut distenditur a molendino d'Auton dicto de Sarnaio et a nemore de Moranval ascendendo ad Barram continuando magnum iter Carnotense per quod itur Parisius usque ad crucem de Feritate et a dicta cruce sequendo iter Cabrosie quod tendit ad Ulmum Granatum et a dicto ulmo itineri de Ronqueux per quod itur ad crucem de Malo Passu Insuper [dedit prefate ecclesie decimam totius territorii de Feritate siti juxta predictam crucem de Feritate inter predictum iter de Cabrosia et viam que ducit de Feritate ad Prez de Celles] Nos autem ad preces dicti Guidonis et Aveline ejusdem uxoris ipsas decimas predicte ecclesie confirmavimus et inde litteras presentes fieri fecimus sigilli nostri una cum sigillo dicti Guidonis testimonio roboratas Actum anno gratie MCCVII mense decembri