Charter Document - 05020136
| Charter Number: | 05020136 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1206 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
O[do] Dei gratia Parisiensis episcopus omnibus ad quos iste littere pervenerint in Domino salutem Notum facimus quod Milo de Voisins miles monachis Vallium Sarnaii admodiavit in perpetuum pro duobus modiis bladi uno avene et altero sufficientis mixtalli infra octabas Omnium Sanctorum persolvendis totam terram suam arabilem constitutam in parrochia Sancti Nonni salva terra alia quam jam dederat ad certum redditum Si autem acciderit quod aliquis dominorum Milonis vel heredum ejus violentam manum miserit in terre admodiate partem que de ipsius domini feodo sit monachi de dicta modiatione retinebunt juxta quantitatem et qualitatem terre sesite donec per Milonem vel heredes ejus terre illius libera fiat restitutio Et super hoc tenendo fidem dedit in manu nostra sepe dictus Milo In cujus rei testimonium de voluntate partium presenti carte nostrum fecimus adhiberi sigillum Actum anno Domini MCCVI