Charter Document - 05020131
| Charter Number: | 05020131 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1100 - 1206 |
| Date type: | Assigned |
| Resource Link(s): |
|
Charter:
Ego Guido dominus Cabrosie universis paginam sequentem inspecturis notum esse volo quod ego concedente Avellina uxore mea dedi pro remedio anime mee Deo et ecclesie beate Marie Vallium in perpetuam elemosinam tertiam partem magne decime quam habebam in territorio Sarnaii et quicquid juris in eadem decima possidebam insuper et decimam quam habebam in campis Josberti de Sarnaio Quod ut robustius in posterum perseveret literis traditum sigilli mei titulo confirmavi