Charter Document - 05020107
| Charter Number: | 05020107 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1196 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Ludovicus Blesensis et Carnotensis comes omnibus tam futuris quam presentibus notum facio quod ego amore Dei et pro remedio anime patris et matris mee et parentum et amicorum meorum ad preces et petitionem Adeline Blesensis comitisse domine et matris mee monachis de Sarnaio ad luminare ante corpus Domini quadraginta solidos carnotenses in festo beati Martini hyemalis in mollendinis meis fulatoriis Carnotensibus singulis annis percipiendos dedi et in perpetuum habendos concessi Quod ut ratum sit et firmum literis commendo et sigilli mei impressione confirmo Testes sunt Petrus de Villebeton Robertus de Veteri Ponte Garinus de Friasia Raginaldus Crispini marescallus meus Raginaldus de Milliaco Hugo camerarius Actum Sohiis anno incarnationis dominice millesimo centesimo nonagesimo sexto Datum per manum Theobaudi cancellarii mei