Charter Document - 05020099
| Charter Number: | 05020099 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1193 |
| Date type: | Internal, A.D. |
| Resource Link(s): |
|
Charter:
Adela Dei gratia Francorum regina Noverint universi presentes pariter et futuri quod Guido abbas de Sarnaio et Johannes prior ejusdem domus admodiaverunt Odoni de Malo Nido et Jamenvie uxori sue quandam decimam quam habebant apud Fonteniacum pro tredecim sextariis bladi quos dicta domus de Sarnaio singulis annis in perpetuum capiet in octabis sancti Dyonisii in granchia de Fonteniaco de decima dictorum Odonis et Jamenvie uxoris ipsius ita videlicet quod medietas illius bladi erit de frumento et alia medietas de ordeo Quod ut inconcussam obtineat stabilitatem ad preces dicti abbatis de Sarnaio et Odonis de Malo Nido et Jamenvie uxoris sue vivaci scripto sigillique nostri auctoritate fecimus confirmari Actum anno incarnati Verbi millesimo centesimo nonagesimo tercio Datum per manum Roberti capellani nostri