Charter Document - 05020087
| Charter Number: | 05020087 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Will |
| Date: | 1190 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Ego Adam lego monachis Sarnaii septem quadrantes vinearum Mundeville et modium annone singulis annis in granchia ejusdem ville Monialibus Bellomeri lego viginti solidos annuos in redditu carnificum apud Gallardonem Domui pauperum ecclesie Parisiensis duos sextarios annone annuatim in granchia Mundeville monachis Castri Fortis unum arpennum vinee similiter apud Fontanetum extra clausos presbitero ejusdem ecclesie unum arpennum vinee similiter apud Fontanetum extra clausos ad missas cantandas in ecclesia Castri Fortis duos modios vini in clausis Fontaneti annuatim ad opus fabricarum ejusdem ecclesie Beati Christophori viginti solidos annuatim in censibus Castri Fortis in die anniversarii mei quinque solidos annuatim similiter in censibus Castri Fortis monachis ejusdem Castri et tribus presbiteris communiter distribuendos domum Odonis de Toisus presbitero si potest ad hunc vinum acquiri ad duodecim vel sex denarios censuales pro servicio lampadis Trium Regum quinque solidos annuos in censibus presbitero Sancte Trinitatis duos sextarios annone annuatim in granchia Castri Fortis ad fabricas ecclesie beati Thome quinque solidos annuos in censibus ad fabricas ecclesie Manneii quinque solidos annuatim in censibus Manneii presbitero Maneii duos sextarios annone annuatim in grangia Maneii Garino de Buissum viginti solidos censuales in Plano Bosco duodecim solidos censuales quos debebat monachis Castri Fortis assigno eis a censuariis scilicet Hugone de Guimberti Villa[] monialibus de Gif duos sextarios annone annuatim apud Castrum Forte presbitero Capelle unum modium annone annuatim in mollendino de Mascenciis presbitero Mundeville in ipsa villa unum modium annone annuatim et unum modium vini annuatim ad fabricam ecclesie ejusdem ville unum sextarium annone annuatim ad Templum loricam et caligas ferreas leprosis Castri Fortis cooperturas ferreas Hugoni Bordel reddantur sexaginta solidi Ricardo Demon reddatur terra sua pro octo libris restitutionem faciendam hominibus Mundeville procurent mei legatarii Ita de majore ejusdem ville defuncto terram Ade de Copperia reddo sororibus ejus Theobaldo de Villa Faveroli reddat feodum ad probationem suam ceteras armaturas a supradictis committo dispositioni legatariorum scilicet quoniam in hac dispositione testamenti mei ego et qui mihi assidebant forte in aliquo erravimus aut minus discrete fecimus legatariis meis videlicet matri mee avunculo meo Roberto fratribus meis Galleranno et Philippo ultimam stili mei libertatem committo et plenariam in omnibus addendi vel subtrahendi vel immutandi potestatem Totum autem hoc etiam conditionem hanc ultimo dictam uxor mea fide firmavit sibi pro posse suo inviolabiliter observandam Hujus rei testes sunt qui presentes affuerunt abbas Sarnaii cum quibusdam monachis suis Salomon presbiter Hugo de Loges et Garnerius de Buissun et multi alii