Charter Document - 05020084
| Charter Number: | 05020084 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1190 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Gacho de Pissiaco omnibus notum fieri volo tam futuris quam presentibus quod de assensu Roberti Almarrici et Galteri fratrum meorum pro salute anime mee et omnium predecessorum meorum dedi et in perpetuam elemosinam concessi ecclesie sancte Marie de Sarneio transitum de Mesoniis de omnibus rebus ad ecclesiam ipsam pertinentibus ab omni redditu et consuetudine liberum et quietum Robertus quoque frater meus pro anime sue salute eamdem libertatem jam dicte ecclesie in transitu de Medonta ad se pertinente et per totam terram suam misericorditer contulit et in perpetuam similiter elemosinam concessit Quod ut ratum et inconcussum permaneat presentem cartam conscribi et sigillorum nostrorum munimine fecimus roborari Actum publice anno ab incarnatione Domini MCLXXXX