Charter Document - 05020074
| Charter Number: | 05020074 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1185 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Stephanus Dei gratia sancti Petri Carnotensis humilis minister et Richerius Carnotensis ecclesie precentor universitati fidelium salutem in Domino Noverit universitas vestra quatenus causam que inter monachos Majoris Monasterii et monachos de Sarnei super terram in parrochia Sancti Nonni sitam quam Galterius canonicus Pinsiacensis predictis monachis de Sarneio dederat in elemosinam emerserat dominus papa nobis commisit pace vel judicio terminandam Nos autem inter ejusdem professionis viros paci reformande operam dantes tandem Deo volente inter utrumque monasterium pacem reformavimus hoc modo supradicta terra monachorum de Sarneio erit ipsi vero unum [] Actum est hoc anno incarnati Verbi MCLXXXV in aula episcopi Carnotensis presente Gaufredo ejusdem ecclesie decano Raherio preposito Herveo abbate Majoris Monasterii Guidone abbate de Sarneio Bernardo priore Majoris Monasterii Fulberto priore de Brolio Willelmo priore sancti Martini de Valle Rotgerio priore de Villaperor Willelmo de Corsot Gaufredo et Symone monachis de Sarneio et aliis multis Quod ut ratum permaneat hanc paginam sigillis nostris muniri et apposito cyrographo fecimus corroborari Terminus autem pensionis reddende est ad festum sancti Remigii