Charter Document - 05020052
| Charter Number: | 05020052 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1179 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis amen Ludovicus Dei gratia Francorum rex Noverint universi presentes pariter ac futuri quod frater Guinardus ad nos veniens indicavit nobis se velle quod locus suus quem in foresta nostra que Equiligna dicitur labore suo edificaverat qui vocatur Planaium in potestatem monasterii et fratrum de Sarnaio post suum traderetur decessum eo tenore quod semper duo fratres predicti monasterii sacerdotes ibi videlicet in loco sibi tradito divina celebrabunt et pro salute anime nostre et karissimi filii nostri Philippi et edificatoris ipsius loci missas cantabunt Nos autem ad petitionem ejusdem fratris Guinardi concessimus ut jus tantummodo et usuarium quod frater Guinardus ibi habebat fratres Sarnaii habeant post ejus decessum Quod ut perpetuam optineat firmitatem cartam presentem sigilli nostri auctoritate ac regii nominis karactere subtus annotato fecimus communiri Actum Parisius anno ab incarnatione Domini MCLXXIX astantibus in palacio nostro quorum nomina supposita sunt et signa Signum comitis Theobaudi dapiferi nostri Signum Guidonis buticularii Signum Reginaudi camerarii Signum Radulphi constabularii Data vacante cancellaria