Charter Document - 05020042
| Charter Number: | 05020042 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1173 - 1190 |
| Date type: | Assigned |
| Resource Link(s): |
Cartulaires d'Île-de-France |
Charter:
Ego Mauricius Dei gratia Parisiensis episcopus notum fieri volumus universis tam presentibus quam futuris quod Petrus miles de Sancto Clodoaldo dedit Deo ac monachis Sarnaii in elemosinam circa VIII arpennos terre in perpetuum possidendos Roberto de Resnemolin de cujus feodo terra erat concedente et fidem de ferenda garantia prestante qui etiam Robertus partem suam quam habebat in campi parte terre illius prefatis monachis in elemosinam donavit et fidem ferende garantie interposuit Testes interfuerunt Robertus de Resnemolin Galterus de Bello Fonte Guarnerius prepositus de Sancto Clodoaldo Guibertus panetarius Ricardus capicerius Peregrinus presbiter Quod ut ratum et inconcussum permaneat scripto commendari et sigilli nostri sub impressione digne duximus confirmari