Charter Document - 05020041
| Charter Number: | 05020041 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1173 - 1180 |
| Date type: | Assigned |
| Resource Link(s): |
Cartulaires d'Île-de-France |
Charter:
Alexander episcopus servus servorum Dei dilectis filiis abbati et fratribus de Sarnaio salutem et apostolicam benedictionem Quos in servitio Dei sacrosancta romana ecclesia ferventiores esse cognoscit artiori eos caritatis vinculo consuevit semper diligere et eorum justas petitiones benignius et celerius exaudire Ea propter dilecti in Domino filii vestris justis postulationibus gratum impertientes assensum ea que in presentiarum juste et pacifice possidetis vel in futurum prestante Domino rationabiliter poteritis adipisci vobis et per vos monasterio vestro auctoritate apostolica confirmamus et presentis scripti patrocinio communimus specialiter autem grangiam de Sancto Nunno et alias helemosinas quas Gualterius canonicus de Pisceio vobis dicitur pietatis intuitu contulisse ex dono Sevin Gorloani duas carrucatas terre in territorio de Marcinneio ex dono Theobaldi de Marleio mansuram unam cum appendiciis suis vineas quoque quas in eodem oppido habetis ex dono Rodulfi de Marleio Ut igitur hec et alia que monasterio vestro pietatis intuitu conferuntur perpetuam habeant firmitatem auctoritate apostolica prohibemus ne aliqua secularis vel ecclesiastica persona compellat vos helemosinas dare vendere vel quolibet modo alienare illis causis exceptis in quibus canones res ecclesiasticas alienandi facultatem indulgent Nulli ergo hominum liceat [] Datum Anagnie II nonas novembris