Charter Document - 05020034
| Charter Number: | 05020034 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1168 - 1181 |
| Date type: | Assigned |
| Resource Link(s): |
Cartulaires d'Île-de-France |
Charter:
Alexander episcopus servus servorum Dei dilectis filiis [] abbati et fratribus de Sarneio salutem et apostolicam benedictionem Justis petentium desideriis dignum est nos facilem prebere consensum [cu]ncta que a rationis tramite non discordant effectu sunt prosequente complenda [Ea propter] dilecti in Domino filii vestris justis postulationibus grato concurrentes assensu ex dono Wiburgis et filiorum ejus grangiam que vocatur Proveir locus ex dono Ade de Capella unam carrucatam terre ex dono Gualteri de Piseio grangiam que dicitur [] ey cum duabus carrucatis terre grangiam que dicitur Zapeta cum duabus carrucatis terre et cum aliis terris et vineis sicut carte episcoporum et donatorum testantur [et sicut] ea rationabiliter possidetis auctoritate vobis apostolica confirmamus et presentis scripti [patroci]nio communimus Prohibemus insuper ne quis in monachos vel conversos vestros violentas manus [jact]are audeat nec in locis vestris rapinam vel violenciam exercere presumat Quod si quis in monachos vel conversos vestros manus violentas injecerit tam diu excommunicationi subjaceat donec vobis congrue satisfaciat de illata injuria et cum litteris diocesani episcopi vestro conspectui representet Decernimus ergo ut nulli omnino hominum liceat hanc cartam nostre confirmationis vel constitutionis infringere vel ei aliquatenus contraire Si quis autem hoc attemptare presumpserit indignationem omnipotentis [Dei et beatorum] Petri et Pauli apostolorum ejus se noverit incursurum Datum Anagnie IV nonas junii